Aizawl: Faina leh thianghlimna a taka bawhzui zel a nih theih nan Republic Veng Sanitation Committee chuan Inrinni khan Republic Veng chhungah bottle chhia leh sarang a lei khawm.
Republic Veng Local Council kaihhruaina hnuaia YMA, MHIP leh MUP ten an din, Sanitation Committee hian an veng thianghlimna leh fainaa hma an sawn zel theih nan bottle chhia hi kg khat Rs. 30-in an lei a, sarang hi kg khat Rs. 10-in an lei thung a, a vaiin kg 116 an lei.
An lei khawmte hi Pollution Control Board hnuaia in-register, Khungngai Solution Pvt. Ltd-in kg khat Rs. 10-in an lei chhawng a. Khungngai Solution Pvt. Ltd. nen hian faina leh bawlhhlawh sawngbawlna kawngah thawhhona siam an tum mek bawk a ni.