Aizawl: Mizoram Mathematics Society (MMS) buatsaihin Inrinni khan Mizoram hmun hrang hrangah Mathematics Competition vawi 18-na chu neih a ni.
Kum tin a tih thin anga buatsaih intihsiaknaah hian inziak lut zirlai 3,786-a 3,627-in exam an hmachhawn.
Intihsiakna hi centre 11-ah thenin, Aizawl centre chu Pachhunga University College-ah neih a ni a, zirlai 2,700-in an exam a. MMS hruaitute chuan kumin hi Aizawl centre bika exam an tam ber tum a ni bawk.
Centre dang 10 atangin zirlai 919-in an exam bawk.
Mathematics Competition hi kum 2007 atanga buatsaih tan niin Class 5, 8, 10 leh 12 zirlaite tana buatsaih a ni a; a titha zualte hnenah certificate leh lawmman pek thin an ni.