Kum 2014 a boxer Mary Kom chanchin behchhana hindi movie an siam chu amah Kom hian tun hnai khan sawichhuakin, a thawhrimna 10% pawh an tilang pha lo niin a sawi.
Ka thawhrimna leh beih nasat zia hi 10% pawh an tilang lo a, ka lungawi lo hle. Mahse, a hun lai khan sawisel ila, mi huat leh hmuh dik loh ka ni hlauh zawk ang. Keimah lema chang tura Priyanka Chopra an hmang pawh kha ka duh lo bur, ka lungawi lo tak zet bawk, Mary Kom chuan a ti.
Mi zawng zawngin ka chanchin an hre vek a, ka chanchin ziahna lehkhabu Unbreakable-ah pawh chiang taka tih lan a ni a, movie a mi hian engmah a phawkchhuak zo lo, ka beih leh thawhrimna hi za zela 10 pawh tih lan a ni lo hi ka ui hle a ti bawk.
Mi lem ka ni lo a, dawtsawi duh lo mi ka ni bawk. Keimah lema chang tura Priyanka Chopra ruat a nih pawh khan ka duh lo sa tawh a, mahse rawn chhunzawm ka ni lem lo, ka chanchin phawkchhuak zo khawpa chang thei tur niin ka hre lo a ni, a ti a.
Ka nun leh ka hun tawk mek chu mitin hriat a ni a, chumi avanga he thu hi mahni thiam inchan nana sawi ka ni lo. A hun laia ka sawi kha chuan keimah zawk kha beih let ka ni mai dawn a, chuvang chuan ngawih ka chuh a, tun hi hun remchangah hmang mai ka ni, Mary Kom chuan a ti.