Aizawl: Health Minister Lalrinpuii chuan ruang phurh sorkarin a kut ken tak avangin leh Mizoram Universal Healthcare Scheme (MUHCS) hmanga sum sen ngai lova damdawi ina inenkawl a nih tak avanga mi retheite hlim hmelin chakna thar a pek thin thu a sawi.
Inrinnia YMA Ramthar Branch, Lunglei kum 50-na ‘Golden Jubilee’ lawmna inkhawm Futsal Ground, Ramthar Veng-a buatsaiha khuallian ni a hmanpui naah he thu hi Health Minister hian a sawi.
Minister chuan Ramthar veng chu Lunglei khawpui tiropuitu veng lian leh pawimawh tak a nih angin hmasawnna kawng hrang hrang a awm zel nana khawtlang hruaitute nen tanrual a beisei thu sawiin, SASCI hnuaiah Ramthar Multipurpose Hall chu project-ah dah tawhin SLSC pawhin a pawmpui tawh thu a sawi bawk.
Lalrinpuii chuan ruang phurh sorkarin a kut ken tak avangin leh MUHCS hmanga sum sen ngai lova damdawi ina inenkawl a nih tak avanga mi retheite an hlim hmelin chakna thar a pek thin thu a sawi a. Hetih rual hian, ram run mektu ruihhlo leh HIV/AIDS laka fimkhur a tan lak a tul thu sawiin, Hulhliap Short Stay leh Handholding Scheme hmang te, recovery te tana Skill Training te buatsaihsak an nih bakah eizawnna bul tan tir an nih thu leh, YMA member-te pawh khaw chhungah ruihhlo do zel tur leh invenna hrang hrang hmanga natna laka fihlim tura a chah zui a ni.
YMA Ramthar Branch hi October 19, 1974-a din tan a ni.