Thawhtanni khan Ebenezer Medical Center, Block B, 6th Floor-ah Neuro Ward thar chu Neurologist Dr. Lalawmpuia chuan a hawng.
Ward thar hawnna hi Medical Director Dr. Vanlalsiama Chhangte in a kaihhruai a, Hospital Chaplain Vanlalhuma’n tawngtaiin a hlan.
Ebenezer Medical Center-ah hian Neurologist-in full time-a a thut chilh bakah Neurosurgeon Dr. Ramngaihzuala Chhangte MS, MCh awmin, Operating Microscope tha tak nena thuam OT-ah head injury, brain tumour leh spine surgery hrang hrangte hlawhtling taka zai thin a ni.
Ward thar hawngtu Dr. Lalawmpuia chuan he hospital hi stroke thleng thut enkawlna hmun, rang taka treatment pek theihna hmun a nih thu sawiin, stroke rinhlelh an awm a nih chuan emergency-ah rang taka damdawi in pan a pawimawh em em thu leh a hma a damdawi in pantute zingah dam phah tam tak an awm tawh thu sawiin, he hmun thara enkawlna tha zawk te hmang tangkai turin mipui a sawm.