Buaina an tawh laiin Nvidia inhralh a pung thung

Nvidia-in thla thum bia an inhralh chu a leta pungin a vawi khat nan $ tluklehdingawn 100 a kai a, hetih lai hian a dintu pakhat, Jensen Huang-a chu lak luh leh tumna an nei lo.

Huang-a’n a chhuahsan hnua chief executive lailawk, Colette Kress-i chuan ‘dan pangngaiin sumdawnna a kal’ tih sum thawhtute hnenah a hrilh.

Company-in thla thum bia an inhralh chu nikum tun ang hun aiin a leta tamin $ tluklehdingawn 115.8 a tling a, company hlutna pawh 4.8%-in a pung.

Thawhlehni tuk khan a nupui ni lo mi dang, China tana enthlak hna thawktu nia rinhlelh thlengin a kawp tih hriat chhuah a nih hnua chawl ta, Huang-a chuan Nvidia-a kir leha a hruai leh a nih chuan ‘chawimawina’ a nih tur thu a lo sawi tawh.

“Board-in dah leh tumna a nei lo,” tiin Nvidia chair Harvey Jones-a chuan a sawi thung.

Company hlep pawh nikum aiin a letin a tam a. October 25 atanga chhiar leta thla thum chhunga an hlep chu $ tluklehdingawn 65 a tling a. An data centre chuan Nvidia sumdawnnaa sum vir vel chu a letin a pung bawk tih an sawi.

Hma lam an pan zel a, an sum thawh chhuah pawh thla thum lo awm leh turah hian 13%-a a pun rin a la ni bawk.

Kress-i chuan neuh neuh karah Nvidia chuan an tum hlen mai ni lo, AI kaihhnawihah hmahruaitu an ni thei tih a sawi a. “Kan thawhpui, kan supplier leh mi dangte pawh kan lamah an tang vek a ni,” a ti.

Nvidia-a hotute chu ‘kar liam taah khan chak takin an tang ho vek a, an department leh project neih theuhvah rim takin an thawk’ tih a sawi.

CEO lailawk hian Nvidia-in China-a Hopper data centre semiconductor hnenah chip an thawn tawh dawn lo tih as awi bawk.

Hopper technology hi Nvidia-in H200 processor changkang a siamah lutin Huang-a’n Washington a dawr hnuah China hnena thawh chhuah phalna an nei a. Thawn chhuah hi China-ah industry leh sipaiten an hmang ang tih hlauh avangin khuahkhirh reng a ni thin.

Kress-i chuan an thawn tawh dawn loh chhan hi a sawi zau lo thung.

Leave a Reply

error: Content is protected !!