Kum liamta 2021 chhung khan Mizoramah Malaria hrik kai mi 5637 hmuhchhuah niin, mi 10-in nunna an chan a. Nunna chante hi June atanga September in- kara thi an ni.
Sorkar thuchhuah in a tarlan danin, ku- min January leh February thla khan Mizoramah Malaria hrik kai 354 hmuhchhuah niin, nunna chan an awm lova. District hrang hrang zingah Mamit, Lunglei leh Lawngtlai district te chu malaria hluarna (API 10 aia sang) an ni.
World Malaria report, 2021-in a tarlan danin kum 2020 chhung khan khawvel pumah Malaria hrik kai mi vaibelchhe saw- mhnih pali leh nuaih sawm hmuhchhuah an ni a. Malaria avanga nunna chan mi nuaih ruk sing hnih leh sang sarih an awm.
Kum 2020-a khaw- vel puma Malaria hrik kai hmuhchhuah zinga za-a 95 te chu Africa khawmualpuia cheng te niin, Malaria thihpui zinga za-a 96 te pawh Africa khawmualpuia mi te bawk an ni. Kum 2020-a khawvela Malaria thih- pui zinga za-a 85 te chu naupang kum 5 hnuailam an ni bawk.
Health departme- nt-a National centre for vector borne disease control-in Inrinni zing dar 7 khan World Malaria Day pualin Directorate of health services conference hall, Dinthar Veng, Aizawlah inkh- awm a buatsaih a. World Malaria Day hi April ni 25 niin, district hrang hrangah hman ni tawh mahse, remchan zawkna ava- ngin state level-ah chuan Inrinni khan hman a nih thu Health deptt. hotu ten an sawi.
Aizawla World Malaria Day pual hun hmanpuitu Health Minister Dr R Lalth- angliana’n Mizoram chu India ramah malaria hrik kai leh thihpui tamna state zingah a la tel tih sawiin, tanlak nasat a tul thu a sawi a. “Sorkarin theihtawp chhuaha hma a lak rualin mipuite pawhin tih tur kan nei ve a, kan in theuh Thosi kah hun laia lo kah tirte, damdawi a tho- silen chiah te, thosilen damdawia chiah sa kan dawn tha taka zar zui te bakah in leh a vela thosi pian theihna chi tui tling leh a dangte tih bo leh khawsik kan neih apianga rang taka thisen exam tir leh damdawi tha taka ei te hi he natna kan do hneh theihna tur a kan mawhphurhna a ni tih mipui ten hre thar ang u” a ti.
Health Minister chuan India sorkarin kum 2030-ah chuan India ram chu Malaria awm tawhlohna rama siam tumin hma a la tih sawiin, Mizoram sorkar pawhin theihtawpa hma a lak mek thu a sawi a. Malaria natna tirem turin Health department-a thawkte inpekna chauh a tawk lo tih sawiin, sorkar department hrang hrang, Zoram mipui leh chhungkaw tinte bakah kohhran leh pawl hrang hrang te tantlan a ngai vek tih a sawi bawk.