Aizawl : MNF adviser, Agriculture Minister ni bawk C Lalrinsanga’n Mizorama Telhawng te chu damdawi lam kengtel an nih thu sawiin, “Tuna nuihzattute hian nakinah a thatna an la hre chiang khawp ang” a ti.
He thu hi tunkar Thawhtanni-a MNF party chhung inkhawmah C Lalrinsanga chuan a sawi a. Telhawng chu a hrechiang lo ten social media lam ah an nuihzat nia sawiin. Tuna nuihzattute chuan a thatna an la hre ngei dawn niin a sawi.
South East Asia lamah chuan Telhawng chu thau chhe paih nan an hmang nia sawiin, “An zailep hnu ah phorovin an her dipa, taksaa colestorol awm paih chhuah nan an hmang” a ti. “Kan sorkar chuan thil te tham pawh ni se kan ram economy thatna tur chu a ngaipawimawh zel dawn” a ti bawk.