Sports brand lar Adidas fakna thar pakhata hmeichhe hnute thlalak a awm nual mai chu mi tam takin sawisel luih luih mah se, Adidas erawh a dinnaah a nghet bur thung.
Vun rawng chi hrang hrang nei leh pianhmang in ang lo tak tak hmeichhiate hnute pianzia pholanna khap tuk tuk ni mek mah se, tihdanglam eawm siam that tumna a awm lo.
Fakna hi tihchhuah a nih rualin sawiselna na tak takin a umzui nghal chat a, social media lamah phei chuan thu inchuhna nasa tak a thlen nasa hle a ni.
Advertising Standards Agency chuan version pathuma siam fakna hi pawm theih a ni lova, a banned nghal bawk.
Heti anga hmeichhe hnute in-ang lo leh danglam tak tak tarlan a nihna ah hian sports bra dik tak hak a pawi-mawhzia pholangah ngaiin Adidas lam chuan tawlhsawn an tum lo.
Hnute thlalak neitu te hi crop vek an nih vangin an hmel leh nihna tarlan a ni lova, model hman te pawh hian an mahni duhthu ngeia inlan an nih bakah Adidas hmalakna hi an thlawp vek, tih a ni nghe nghe. Adidas hian a beng a chhu ngawng lui zel a ni ber.