Bar-a uai
Hei hi playgrounds, parks leh huang angate siam a ni thin a, bar-a uai hi naupangte’n an hlimpui a, taksa sawizawina tha tak pawh a tling. Bar hi awlsamte-a mahni IN lumah pawh siam theih a ni a, pâwn lama kalchhuah a, gym-a exer va lak chiam a remchan loh chuan mahni compound-ah pawh dah theih a ni. Bar-a uai hian hnungzâng ruh a tingil thei a, a lo berah nikhatah minute 15 vel tal chu neihpui tur a ni a, pull-ups pawh hi neihpui thin nise a tha hle ang, vawi 10 a thlen theih chuan duhthusam a ni ang.
Basketball khelh
Naupang than titha a, thang duang zel tur hian baskekball khelh hi a ban pawimawh tak a tling pha. Sâng tak taka zuan a ngaihna hian taksa thanlenna-ah nghawng duhawm a thlen mek a ni. Taksa pawimawh lai zawng zanwg an chet avang leh chung lama an invawrh avang hian hnungzâng ruh hian a hlawkpui hle. Basketball team-ah i fa kha a tel/lang ve lo a nih pawhin mahni compound chhungah ngei pawh rua-hmanna siam a harsa hran lova, nikhatah minute 30 tal chu khelh tir ang che. Mahni chauh pawha khelh nuam a ni a, thian-te nen phei chuan a hlimawm lehzual. Tleirawl laia basketball khelh tha zinga pa/nu tawi hriat tur an vâng hle.
Inzikmar
Hunbi nei taka i fa kha inzikmar dan i zirtir a, mut dawn leh zing thawh veleha i tihpui thin a nih chuan inches 3 a san nghal zawt theihna a tling. Taksa inzikmar hrim hrima hi thinsen kal vel tan pawh a tha em em tawh a ni. Bang ngheng-in din tir la, zawi muang-in inzimar chho thin rawh se. Hetah hian a sâng thei ang bera a bân pahnih chung lama dah tir tur a ni. Tin, chhuat a a thut lai khan a ke pahnih kha hmalama tichar la, a kutin a kezungtang a dai fuh theih nan zawite tein tih tir thin ang che. (A thawk a phit-a tih rum rum nghal tur a ni lo, zawi muangin).
Tui chen
I chenna in a zir loh vanga tui chenna mai tur a awm loh pawhin a khat tâwka swimming pool-a hruai a, tui hleuh tir hi a pawimawh a, hemi atan hian hun insiam thin ang che. Tui hleuh hi taksa inzikmarna tha ber a tling pha. Tleirawl laia tui hleuh thinte hi an rualpui tui hleuh ve ngai lote aiin an thang tha zawk tih hi khawvelin a hmuchhuak daih tawh. Tui a hleuh khan tihrawlte chu insangmarin, than theihna hormone an tichhuak nghal chuai chuai a, chu chuan awlsamtein a than tir ta mai a ni. Chutih laiin, vawi 2-1 tui hleuhna vang maia than nghal zawt zawt theih a ni bik lova, dawhtheih taka tih tauh tauh a ngai a ni.
Ei leh in
A inchawihmawi tawkin calcium, mineral leh vitamin bakah protein tamna uar taka ei a tha hle a, chaw tha leh hrisel lak luh loh na na na chuan than ngaih-na a awm lo. Artui, sangha leh bawnghnute ei/in tha a pawi-mawh hle ang. Be chi hrang hrang, thlai hnah leh thlai rah te pawh ei uar tur a ni bawk.
A tlangpuiin, inthlah-chhawnna hian naupang san leh hniamna turah kawngro a su hle a. Nu leh pa an sang tha a, an lian tha bawk a nih chuan an fate an te lo tlangpui. Chutih laiin, chhun tur an neih that lohin hnualna tur a awm lo. A chunga tarlante hi i zawm phawt chuan i fa laka i beisei leh duhdan chu a takin i mit ngei i hmu dawn a ni. Dawhtheih erawh a ngai.