MADC-ah MNF + Congress; Politics hi chu mak ve tak a ni
Inrinni liam ta mai khan chanchinbumite hmaah MNF leh BJP in MADC-ah sorkar na an siam dun ngei an rin thu leh, anni erawh chuan opposition ni tura awm an hreh loh thu an sawi a, an rinna pawh a dik viau tura an ngaih thu Congress thupuangtuten an sawi a, ni khat a liam awrh tihin sorkar na siamtu lamah an awm leh ta hlauh thung a. Politics hi chu mak ve tak a ni.
Kan hriat angin Mara Autonomous District Council (MADC) ah party mala sorkar siam thei an awm lo a, seat la tam leh sorkar na siam teuh ber BJP in sorkar na an siam theih thu sawi mah se, tunah chuan rin loh takin Mizorama party lian leh hlun pahnih an thawk dun zawk dawn ta daih niin a lang a, politics hi chu mak ve tak a ni.
Thudawn a nih danin, MNF leh INC an inremna ang chuan Phura bial atanga INC ticket-a thlan tlin, H Malvina chu CEM a ni ang a, Dy CEM chu MNF in changin, Amotlah bialtu Lalmalsawma Zasai a ni ang a. MNF ticket-a thlan tlin vek, Siaha South bialtu N Viakhu chu MADC chairman a ni ve thung ang. MNF-in MDC pakua an neihte hian nihna an nei vek dawn a, Dy CEM leh MADC chairman an chan bakah Dy Chief Whip leh Planning Vice Chairman leh EM panga an nei dawn a ni. Hetih rual hian INC pawhin MDC pali an neihte hian nihna nei vekin, CEM an chan bakah EM pathum an nei dawn a. Heti hian MNF leh INC atanga thlan tlin MDC-te hian chanvo an nei vek dawn tihna a ni. Politics hi chu a mak ve tak a ni.