Kannada TV actress Chethana Raj chu Bangalaru-a priave hospital-a plastic surgery a tih hnu-ah a boral.
Report-a a lan danin, TV star hi May 16 khan zing lam khan thau paihna surgery a neih hnu ah tlai lamah insawiselna a nei tan niin an sawi. Zan lamah a chuap-ah tui a tling bawk.
Heti anga thau paihna surgery a neih thu hi a nu leh pate a hriattir lem lova, a thiante nen an kal a ni.
Amaherawhchu, zai a nih hnu ah erawh insawiselna nei chhhoin a nunna in a tawrh phah.
A nu leh pate chuan a fanu chungah thil thlengah hian Doctor te inthlahdah vang liau liau ni a an puh a, hun lo taka khawvel chhuahsannah Doctor te hi kut sil thei an ni lo, a ti.
Hemi chungchanga an lungawi lohna hi Police-ah thlen a ni tawh a, hospital thuneitute chanchin buatsaih lai hian thu leh hla an la nei lo.
Plastic surgery hi khawchhak leh khawthlang mai ni lo India ram chhungah ngei pawh a lar hle a, thatpui a mual mual an awm nia sawi mek karah mi tam takin an chhiatpui thung.