Will Smith-a’n a nupui chungchang fiamthu a thawh vanga stage-a na taka a ben Chris Rock chu 2022 Oscar host atan a hming sawi rik a ni tlat mai.
Buaina neuh neuh awm ve bawk mah se, kha boruak khan viewer an pun phah hluai a, ABC network chuan kum 57 mi Comedian lar hi host ngei ni se, tha an ti hle.
ABC puipa pakhat Craig Erwich chuan, “Oscar sem zawh tak kha ka en let a, hlawhtling rem rem tak a ni. Ni e, buaina neuh neuh kha chu a awm ngei a lawm.. khangte khan hliah khuh ve bawk mah se, programe-ah khan ka lawm hle a ni,” a ti.
Oscar 2022 kha Wanda Sykes, Amy Schumer leh Regina Hall te’n hneh takin an host a, audience punna 60% ni chhoin, viewer maktaduai 16.6 ah an kai.
Hollywood star Wil Smith leh comedian lar Chris Rock te inkara kut inthlakna thleng khan a tha lam hawi zawnga boruak
a vawrh chhuah rinna leh beisei a sang hle.
Thu inchuhna tam tak karah thawm dim takin Chris Rock-a’n mipui thinlung a hneh chhunzawm hle. Will Smith-a ngaihdam dilna leh hremna-in engti ang takin a career a nghawng chhunzawm dawn tih erawh hunin a la rawn hril ang.