Aizawl : Rural Development Minister Lalruatkima chuan nimin khan NEIGHRIMS bul Mawkasiang, Shillong-a damlo leh an awmpuitu te tana Mizoram sorkarin In a sak mek ‘Patients’ Lodge’ a tlawh.
Mizoram sorkarin a sak mek ‘Patients’ lodge’ chu Mizoram atanga damlo, NEIGHRIMS pantute thlen leh chawlhna atana sorkarin a sak a nih vangin damlote tan pawha thlamuanpui tlak ni tura hna uluk a tul tih a sawi a, mipuite ta tur a nih avangin a tha thei ang bera sa turin Lalruatkima hian contractor pawh a chah nghal.
Chhawng thuma sak tur Patients’ Lodge sak nan hian cheng nuai 419,67 ruahman a ni a. A building zau zawng hi 95 ft x 42 ft a ni. A satu contractor hi T. Thanzauva a ni a. October 20, 2021 khan a sakna tur sum first instalment cheng nuai 167.87 pekchhuah a ni.