Dimasa National Liberation Army (DNLA) hel pawl mi paruk chu Assam laili, Karbi Anglong district-a venhim hna thawktute nena inbeihnaah thlengah an thi niin nimin khan police chuan an sawi.
Police chuan an thu dawn bawhzuiin, police leh Indian Army tangkawpin Dhansiri, Karbi Anglong district-ah beihpui an thlak a, nasa takin an inkap tih an sawi.
“DNLA leh Assam Police leh Indian Army tangkawp inkahna thlengah hian DNLA hel pawla mi paruk chu thah an ni,” tiin police hotu lian pakhat chuan a sawi.
Assam police Special DGP (L&O) GP Singh chuan nimin tuk hma taka Assam police beihpui thlaknaah DNLA hel pawla mi paruk thah an nih thu hi a tar lang bawk.
Police hian an ralthuam leh hmanraw dang eng emaw zat an hmu bawk.
Nikum April thla pawh khan DNLA hel pawla mi pahnih chu Karbi Anglong district-a helai bawrah bawk hian thah an lo ni tawh.