India ramah darkar 24 liam ta chhungin coronavirus kai mi 2,745 hmuh chhuah leh hman a ni.
India-ah hian COVID-19 kai mi 4,31,60,832 hmuh chhuah an ni tawh a, enkawl lai pawh mi 18,386 an ni leh tawh tih union health ministry chhinchhiahnaah tar lan a ni.
Darkar 24 liam ta chhung hian mi parukin hri leng hi thihpui leh hmanin mi 5,24,636-in an thihpui tawh.
Hri kai hmuh chhuah tawh zawng zawng atanga chhutin a kai enkawl lai hi 0.04% an la ni a, enkawl dam tawh hi 98.74% an ni ve thung.
Darkar 24 liam ta chhung hian enkawl dam aia a kai hmuh chhuah thar an tam zawk avangin enkawl lai hi mi 503-in an pung leh hman.
Darkar 24 liam ta chhunga sample endik zinga 0.60% chuan hri an kai tih hmuh chhuah niin chawlhkar khat liam ta chhunga endik zinga 0.63%-in an kai bawk tih health ministry chuan a sawi.
Hri kai zinga mi 4,26,17,810 chu enkawl dam leh tawh niin 1.22% chuan an thihpui thung.
Invenna pek beihpui thlak kal zelah vaccine dose vaibelchhe 193.57 chuang pek a ni tawh.