Hmeichhe tennis a world number one Iga Swiatek chuan French Open final a luhna kawnga zinkawng nuam a zawh chu a tum ram a thlenpui a. Straight set in semi-final ah hnehna changin final a khel dawn.
Ningani tlaia inkhelah kum 21 mi Swiatek hian seeded number 20 Daria Kasatkina chu 6-2 6-1 in a hneh a. A zawna match 34 hnehna a channa niin a professional tennis khelh chhunga a tum hnih nan Grand Slam final a khel dawn.
Swiatek hian nizana semi-final lehlam a inkhel Coco Gauff leh Martina Trevisan a chak zawk a hmuak.
“Ka tan tun hun hi hun hlu bik a ni a, helai hmunah hrisel tha taka ka inkhel thei a, final ka lut thei hi ka lawm hle.” tiin a sawi a. Final-ah hian a chak chuan Venus Williams-’n chak zawn rei record a siam a tluk chiah ang.