Liverpool leh Egypt forward Mohamed Salah, 29, chuan contract thar ziak tura inremna an nei thei lo a nih chuan club chhuahsan dawn mahse Premier League a khelh chhunzawm zel a duh. (The Athletic)
Senegal forward Sadio Mane, 30, chuan tun nipuiah Liverpool chhuahsan ngei a duh a, Bayern Munich chu a kalna tur ni awm a thawm nei ring ber an la ni. (Fabrizio Romano)
Chelsea chuan Sevilla atangin Pound maktaduai 50 man France defender Jules Kounde lalut turin inbiakna an kalpui tan a, kum 23 mi hian Spanish club hi kum 2020 khan Europa League-ah a champion pui. (Sport)
Newcastle United chuan Reims atangin kum 19 mi French striker Hugo Ekitike chu Pound maktaduai 36 in an lalut hnai. (Daily Mail)
Paul Pogba leh Jesse Lingard te an chhuah tur thu an puan hnuah Manchester United chuan Netherlands midfielder Frenkie de Jong, 25, lalut turin Barcelona nen inbiakna an kalpui tan. (Fabrizio Romano)
United hian De Jong a nih loh chuan Lazio atangin Serbia midfielder Sergej Milinkovic-Savic, 27, lakluh an tum dawn. (GiveMeSport)
Paris St-Germain in an ngaihven avangin Liverpool chuan Guinea midfielder Naby Keita, 27, chu contract thar an ziahpui dawn a, nakkumah Keita hian Anfield a contract a neihlai a hmang zo dawn. (The Athletic)
Wolverhampton Wanderers chuan Sporting Lisbon atangin Joao Palhinha an lalut hnai a, Portugal midfielder, 26, hian Pound maktaduai 20 velin club hi a zawm ang. (The Sun)
Real Madrid chuan Borussia Dortmund atangin England midfielder Jude Bellingham lakluh an duh a, mahse kum 18 mi hi kum 2023-ah an umzui chauh ang. (Bild)
AC Milan chuan kum 29 mi German midfielde Mario Gotze chu an ngaihven a, an duh a nih chuan Euro maktaduai 5 in an lalut thei dawn. (Goal)