Aizawl : Lawngtlai bawrhsap thar Amol Srivastava-a’n nimin khan Lawngtlai dist, MJA member te a pisa-a leng ah sawmin, district hmasawnna atana hmalakna tur pawimawh hrang hrang te a sawipui.
Lawngtlai bawrhsap chuan chanchinbu mite chu khawtlang leh ram hmasawnna atana thawhhlawk berte zinga mi an nih thu sawiin, an hnathawh ropui a tih thu a sawi a. District MJA member-te chu Lawngtlai district tan theihtawp chhuaha thawhhopuiah sawmin, mipui rawngbawlna leh district hmasawnna hnathawh kaw- ngah a ṭulna apianga amah finchhuah ṭhin turin a chah.
District MJA hruaitute chuan thil ṭha tur ah chuan englai pawhin sorkar an thawhpui thei reng tih Bawrhsap thar chu hrilhin, an ngaihpawimawh an sawi zingah Lawngtlai district chhunga raltlan awmte ramri kana an chet velna chu a hrulah ruihhlo leh thil ṭha lo tawlh luhna remchanga hmang an awm palhlohna tura awmze neia khuahkhirh ṭul an tih thu a tel.
Lawngtlai Bawrhsap thar leh District MJA member-te inkawmhona ah hian Lawngtlai district Information & public relations officer C. Lalhruaitluanga pawh a tel a. District MJA te hi an President Lalngheta Ralte-in hovin, Bawrhsap hnenah hian District MJA Patron atana an ruatna lehkha an hlan nghal a ni.