Aston Villa chuan Swedish goalkeeper Robin Olsen chu an club-ah a nghetin an lalut.
Kum 32 mi hian tun season chawhnu lam khan Villa Park-ah hian loan in a khel a. Season tawp ni a Manchester City an hmachhawnin Steven Gerrard-a pawlte tan hian a vawikhat nan a inkhel.
Sweden tana vawi 57 inkhel tawh hian club football hi an ram bakah Greece leh Denmark tan a khel tawh a, Everton-ah pawh a inkhel tawh.
Villa hian tun nipuiah Brazil centre-back Diego Carlos bakah French midfielder Boubacar Kamara te an lalut tawh a, Philippe Coutinho chu Barcelona atangin an lalut nghet bawk.