Ni hnih chhung (7th- 8th June) Millennium Centre Rooftop a neih tur 20th Edu Fest ’22 a college/university tel tur te chuan Aizawl an rawn thleng kim tawh nia thudawn a ni a. Vawiin 11 AM hian MJA President, C Lalrambuatsaiha’n Edufest hi a hawng ang.
Edufest a rawn tel tur langsar zual zingah Amity University, Sharda University, Insitute of Engineering and Management Kolkata, RR Group of Institution Bangalore, PEWS Group of Institutions, MU University Noida, Acharya Institute Bangalore, Assam Dowtown University, Parul University Gujarat, MATS University Raipur leh a dangte an ni.
A rawn tel tur zirna In te hi UGC/AICTE accredited vek niin Paramedical courses, nursing , pharmacy, engineering civil, petroleum, computer science, agriculture, humanities, allied science, graphic designing, medical, engineering, management, science, commerce leh stream dang dang dawr theih an ni dawn a. College thenkhat hian scholarship an pek theih bakah tlangmi tan tuition fee an ti tlawm thei bawk.
Zalen chanchinbu leh Lynchpin buatsaih Edu Fest hi 11AM – 5 PM inkarah tlawh theih niin a ni ang.