Aizawl South I bialtu MLA C Lalsawivunga’n nimin khan a biala Venghlui leh Republic Vengthlangah YMA Day leh zirlai tithate chawimawina hun a hmanpui a. HSSLC (Commerce)-a Mizorama parukna Biaksangpuii leh HSSLC (Science)-a Mizorama pasarihna K. Lalmuanpuii te hnenah Laptop computer a pe.
C. Lalsawivunga chuan YMA kumpuan – ram leh hnam humhalh tih a nih thu leh ram leh hnam humhalhna ṭha ber chu zirna a nih tuh a sawi a. “Kan ramah chief secretay bakah secretary-ah te hnamdang an tam ta hle a, ṭhalai ten zirna kawngah ṭan kan lak thar a ngai hle a ni,” a ti.
“YMA Day ah hian thinlung thianghlim tak, rilru thianghlim tak pu thar ila, thawhhona ṭha leh inpumkhatna ṭha nei zel ang u” a ti bawk.