Kannada actress lar Swathi Sathish chuan a eizawnna kawngah dinhmun khirhkhan tak mai tawng bua in, tunhnaia Ha a siamtirna (root canal treament)-ah a hmai a vung chiam mai a, tunge a nih hriat harsa khawa a awm tak vangin a manganthlak hle. Ni 20 hnu lamah pawh ngaiawh thei lovin, hun harsa tak a tawng.
Sathish sawi danin, dentist hian root canal treament a lak vanga nghawng awm thei te hrilhin, hmai vung hi darkar rei vak lovah a reh leh mai ang, tiin a hrilh.
Mahse, a dinhmun hi a zual tulh tulh mai si a, enkawl a nih atanga karhnih hnu ah pawh ziamawm lovin, a zual sauh zawk. A hmai vung thlalak hi social media lamah nasa takin a darh zui a, khawihngaihtu leh lainattu te bakah diriamtu thlengin a tawng nasa.
He thilah hian inthlahdahna (medical negligence) a awm ngei niin Swathi hian a sawi a, court lamah a kalpui mai thei.
A thil tawn hnu hian In pawh chhuahsan thei lovin a awm a, hmachhawp hrang hrang a neih te a tihlar theih loh bakah film tlangzarhturte a lo la nei zel bawk nen, a khawvel a zim hle.
Report thar berah chuan a hmai vung hi Damdawi In danga enkawl turin buaipui mek a ni a, a zia chho hret hret nia hriat a ni.