Aizawl : Govt. Aizawl North college alumni association leh he college-a students’ union hruaitu ten nimin khan Chief Minister Zoramthanga hmu in, an college building chungchang leh an college-ah Arts subject kim zirna a awm theihna tura hmalakpui turin an ngen.
Govt. Aizawl North college-ah zirlai 1350 an awm mek thuleh an building-in a zawh tawh loh thu Chief Minister chu hrilhin, kum khat atan Ramhlun North bazar an luah hawh mek thu leh college building zirlaite lenna tur neih thuai an mamawh thu thlenin, hma laksak turin an ngen a ni.
Chief Minister chuan College building in a zawh loh khawp zirlai an awm chu lawmawm a tih thua lo chhangin, class kal tan a nih hma ngeia zirlaite lenna tur building an neih theihna tura hma a laksak tur thu a lo hrilh a. Govt. Aizawl North college-ah Arts subject kim zirna a awm theihna tur pawhin a theih ang anga hma a lo lakpui tur thu a lo hrilh bawk.