Champhai district drugs disposal committee-in nimin khan damdawi hman sual leh dan kalha sumdawnna do ni (International day against drug abuse & illicit trafficking) an hmang a. Champhai district police ten May 2018 atanga kumin February thla inkara an man – Heroin hawng 797, kg 10.36 tualchhung rate-a Rs. 2,39,10, 000 man leh Ganja kg 105, Rs. 3,15,000 man an hal ral.
He hun hmanpuitu Champhai Bawrhsap James Lalrinchhana'n damdawi hman sual leh dan kalha sumdawnna do ni chu khawvel pum huapa ruihhlo do leh hmalak kawnga tanhona tura 1987-a UN general assembly-in a ruahman a nih thu a sawi a. Ruihhlo do leh man kawnga Police, Excise & Narcotics leh Assam Rifle-te hmalakna fakin, ruihhlo man a nih theihna tura NGO leh mipui ten an tawiawmna a fak bawk.
Champhai Bawrhsap chuan nu leh pate chu an fa te chinchang hre tur leh inkaihhruaina tha tak nena en- kawl tura chahin, an thian kawm leh khaw- sak dante, nunphungte zirchianga thlithlai reng turin a chah a. Inp- awhtlang taka chhungkuaa inuapna tha neih a tul thu a sawi.
Addl. SP, Champhai C. Lalengliana'n tunhnaiah ruihhlo siamna Golden triangle-ah ruihhlo siam chhuah a tam zual nia sawiin, "Golden triangle bulhnaia awm kan nih avang leh thenawm ram buai remchanga laa ruihhlo tawlhluh a tam zual" a ti a. Ruihhlo man a nih hnua dan tlawhchhana hmalak a nih theihna tura buaipui tulte a sawifiah bawk.
Kalkhawmte chu ruihhlo laka fihlim tur leh ruihhlo leh a kaihhnawih laka inhnamhnawihlo tura intiamin, hm- ing an ziak a. Kumin January atanga tun thla thlenga Champhai dist police ten Heroin kg 6 chuang an man theihna kawnga thawhhlawk Police officer 12 te chawimawina thuziak hlan an ni bawk a ni.