Mizoram Super League champion lai in tun season MSL-ah lallukhum humhim tura rin an hlawh chhan an lantir leh a. Match sarih atang a vawi ruk an chakna ni turin Chanmari Vikings chu 86-60 in an hneh.
Ningani zana inkhelah hian Vikings hi chak mai tura lang an ni hman a. Quarter hmasa pathum chhungin hun pawimawh a bucket nei thei zawkah an tang a. Zarkawt BCA lam pawhin umzui ve zel tho mahse tum danga an khel an pha lo.
Mahse 4th quarter-ah engkim a inthlak danglam, Zarkawt BCA tan foreigner Joseph Frederick Allen chuan hma a hruai a, point an score hnem zawk bakah Vikings hi point 11 chauh an score tir. Comeback ropui tak an puitlin.
Allen-a’n point 30 leh rebound 25 a la a, Zonunsanga leh Lalrina Renthlei ten point 20 leh 18 in an thlawp.
Vikings tan Moses Zoremmawia chuan point 24 a score a, a team tana score hnem ber niin Michael F. Lalawmpuia leh Raymond Edward Miller Jr. ten 19 leh 18 an thawh.
Zirtawpni tlaia inkhelah Khatla TBL in table a pahnihna luah turin 82-89 in Tuikual South CB an hneh.
Khatla TBL tan Levi Bradley Jr. chuan point 32 leh rebound 11 a la a. K. Lalthianghlima, Michael Liansanga, Vanlalrinchhana leh Vanlalthazuala ten point 10 aia tam theuh an thawh.