Arsenal chuan striker thar an nei a, Pound maktaduai 45 in Brazil forward Gabriel Jesus chu Manchester City atangin an lalut.
Kum 25 mi hi Mikel Arteta in tun nipui a player a lakluh palina a ni a, ani hma hian midfielder Fabio Vieira, goalkeeper Matt Turner leh Brazilian forward Marquinhos te an lalut tawh.
Arteta chuan, “Hetiang player tha lalut tur hian club in hna a thawk tha hle. Gabriel hi mimal taka ka hriatchian a ni a, Premier League ah a theihna kan hmu thin a, he league-ah hian a hlawhtling tawh.”
“He position khel tur hi hun rei tak kan thlirho tawh a, tunah kan mi duh tak kan lalut thei a ni.” a ti.
Kum 2017 a Pound maktaduai 27 a Palmeiras atanga Manchester City zawmtu Jesus hian City tan vawi 236 khelin goal 95 a khung a. Tlarhma a khel tura lakluh a ni chungin Pep Guardiola team-ah position hrang hrangah an chhawr kual nasa thin.
Manchester City hian Borussia Dortmund atangin Erling Haaland an lakluh avangin Jesus hi chhuahtir an hnial lova, Argentine rawlthar Julian Alvarez an nei dawn bawk.