Ajax Amsterdam chuan Tottenham Hotspur atangin Dutch winger Steven Bergwijn chu an club chanchin a player manto ber ni turin an lalut.
Kum 24 mi Netherlands international hi Ajax-ah hian youth team-ah kum hnih a lo awm tawh thin a, an hnenah kum nga contract a ziak.
Spurs hi PSV Eindhoven atangin kum 2020 January thla khan a zawm a, an tan vawi 81 khelin goal 8 a khung.
Ajax head coach Alfred Schreuder chuan, “Steven-a’n sawmna dang kara Ajax a thlang hi hlawhtlin duhna lian tak a neih tilangtu a ni a, player theihna hrang hrang ngah tak a ni. A tum a ruh a, tum nei ran a thil ti thin a ni.” tiin a player thar chu a fak.
Bergwijn hi Ajax chanchin a player manto ber chauh a ni lova, Dutch league Eredivisie a player manto ber a ni dawn a. Ajax in Pound maktaduai 19 a West Ham United atanga Sebastian Haller an leina a khum.
Amsterdam a piang Bergwijn hian kum 14 a nihin Ajax Academy atang PSV zawm a thlang a, kum 17 mi lek niin first team tan khel tanin PSV-ah a cham chhungin an tan match 149 atangin goal 31 leh assist 41 a nei hman.