Liverpool defender Joe Gomez chuan a hma hun Anfield-ah a thlung nghet a, kum nga daih contract thar a ziak.
Kum 25 mi hian kum 2015 khan Reds hi a zawm a, an hnenah kum 2027 thleng a cham dawn tihna a ni.
Liverpool tan vawi 142 a inkhel tawh a, tlarhnungah mi tangkai leh theihna sang tak a ni chungin khup leh kheimit hliam avangin a khel tam lo thin.
“Ka la naupang a, ka vanglai ka la hmang dawn chauh. Inzirna tur ka la ngah a, hemi tur hian hun pawh ka la nei in ka hria. Hemi ti turin manager leh coaching staff dik hnuaiah ka awm a, teammate tha tak te nen ka awmna turah tak ka awm.” a ti.
Charlton Athletic chherchhuah hian Liverpool-ah hian Champions League, Premier League, FA Cup, Carabao Cup, UEFA Super Cup leh Fifa Club World Cup te a chawi vek tawh.