- Ruata
Maruti Suzuki chuan an midsize SUV thar tur Suzuki lirthei chhuak reng thin Grand Vitara tih hming puin tun thla ni 20 hian phochhuah an tum ta a, hei hi tunhnaia Toyota Urban Cruiser Hyryder chhuak nena a tam zawk inang tur, Toyota leh Maruti Suzuki thawhhona hnuaia duan tho a ni.
Maruti Suzuki company chuan he SUV thar tur hi a duh tana order theihin an hawng tawh a. Maruti Suzuki Grand Vitara thar tur hi online emaw authorised NEXA dealership-ah emaw Rs 11,000 chawiin a lo hauh lawk theih tawh a ni.
C-Platform nghahchhan tur
Maruti Grand Vitara thar tur hi Suzuki Global-C platform nghahchhana duan tur a ni a, hei hi Brezza thar, S-Cross leh khawvel hmundanga Vitara SUV chhuak mekin a hman ang a ni a. Tunhnaia Toyota HyRyder SUV phochhuah thar ka han sawilan tawh pawh khan he platform hi a hmang ve tho a ni a. Sawi tawh angin Toyota Urban Cruiser Hyryder leh Maruti Suzuki Grand Vitara hi Company pahnih mithiamte thawkhoin an duan a ni.
Maruti Grand Vitara hian market lamah chuan midsize SUV dang – Hyundai Creta, Kia Seltos, MG Astor, Skoda Kushaq leh VW Taigun te a rawn el dawn a. He SUV hi Toyota Plant II, Bidadi, Bangalore, Karnataka-ah siamchhuah a ni dawn a, August thla atangin hralhchhuah tur ho hi an siamchhuak tan dawn a ni.
2022 Maruti Grand Vitara-ah eng nge kan beisei?
Report thenkhat tarlan danin tuna Maruti Suzuki Grand Vitara chhuak tur hi khawvel huapa tihchhuah tur a ni a, tuna khawvel hiapa Suzuki Grand Vitara chhuak mek hi a rawn thlak dawn a. India atang pawhin international market thekhatah he SUV thar tur hi thawnchhuah a ni dawn a ni.
Design lamah chuan Grand Vitara thar tur hi Toyota HyRyder phochhuah tak nen khan a inang tlangpui a. Maruti Suzuki Baleno leh Brezza thar te ken ang hmanraw hrang hrang a rawn tawm dawn bawk a. Grand Vitara thar hian new dual-tone front, honeycomb grille, split LED headlamp setup with dual LED DRL te a nei dawn a. A hma design hi international market-a Suzuki A-Cross chhuak mek nen a inang viau a ni. HyRyder ang chiahin he Suzuki SUV thar tur hian Hybrid badging, a kawngkharah te leh a ORVM hnuaiah te a nei ang a. Sporty bumper design mawi tak, 17-inch alloys, C-shaped tail-lamp slim tha tak, a tailgate a invuah phei tel te kan hmu dawn bawk a ni.
A chhunglamah pawh Toyota Urban Cruiser Hyryder nen a inang leh viau dawn a, padded leather dashboard, leather wrapped steering wheel & seat te bakah panoramic sunroof, 9-inch touchscreen infotainment system with wireless Apple CarPlay & Android Auto, digital instrument console, 360 degree camera, Head-Up Display or HUD, connected car tech, ventilated front seats leh automatic AC te kan hmu dawn a ni.
A khawl leh thildang
Suzuki Grand Vitara thar hi a khawl lamah pawh Urban Cruiser HyRyder nen a inang viau dawn a. Khawl chi hnih – 1.5-litre K15C dualjet petrol engine with mild hybrid tech leh Toyota 1.5-litre TNGA petrol with strong hybrid powertrain te duhthlan tur a awm dawn a ni. Transmission lamah chuan manual leh automatic gearbox te duhthlan tur a awm ang a, a hybrid ho bik hi eCVT gearbox a awm dawn a. Hei bakah hian mild hybrid ho hian AWD (all-wheel-drive) system a nei dawn bawk a ni.