Hri leng hluar thar leh laka fimkhur a tul
Covid-19 a la reh lo a, Mizoramah pawh sorkar in inralrin dar a vaw leh tan der tawh bawk. A reh deuha kan hriat lai hian he natna hian min la kiansan lo tih kan hriat a tha a, mitinin fimkhurna kan vawn nun a tul leh hle awm e.
Hri leng vang hian kan ramah ngei pawh nunna tam tak lakin a awm a, ngaihthah ngawt chi a ni lo tih kan hriat pawh a tha hle. Sorkar in dan zawm tur hrang hrang a siamte zawm tha ila, puipunna leh punkhawmna chi reng reng a theih hram chuan pumpelh tum ila, loh theih lohah erawh chuan mask vuah ngai pawimawh lehzual ila a duhawm hle.
He hri leng rawn hluar leh hian eng chen nge min tuam ang a, eng anga na in min nuai leh dawn a hriat loh a, kan duh loh em em ‘lockdown’ kan pumpelh theih dan tun atangin mitin i fimkhur ang u.
Tul lem hlei lova pawn chhuah kan sim a tul a, thenawm khawveng te nena kan in len pawh loh a la him reng tih te kan hriat a tha a, sorkar inkaihhruaina siam hrang hrangte zawm turin mitin, chhungkaw tin i tangrual ang u. Pawn chhuahna apiangah mask vuah i ngai pawimawh thar reng bawk teh ang u.