France-ah chuan chhimthlang lam hmun thenkhat chu ni riat atanga ni 10 lo awm leh tur chhung hian 39°C vel a ni thei dawn niin Météo France chuan a sawi.
Lum viau mah se France bikah hian Europe ram dang anga lum ber tum record erawh an thlen a rinawm loh va, a rei deuh erawh a rinawm thung.
Department 23 chu yellow warning pek niin karleh Nilaini lo awm tur atang hian orange warning pawh pek an ngai mai thei nia sawi lawk a ni a. Prime Minister Elisabeth Borne chuan minister-te chu hriselna pan deuhten an tawrh lohna tura hma la turin a hriattir.
Inralring tura tihna hmuna awmte tan sorkar hian health plan a duang.
Hetih lai hian Ningania Bastille Day an hman tur erawh kum danga an lawm ang bung bung chuan an lawm thei dawn lo va, kangmei a chhuah mai hlauhthawnna avangin halmawi hal thin chu hmun thenkhatah tih a ni dawn lo.
France-ah hian kum 2003 khan khua a lo lum chiam tawh a, hemi tum hian mi 15,000 vel khaw lum kaihhnawiha thi an awm nia sawi a ni a. Tun tumah hian kha mi hun ai khan khaw lum uchuak hi hun hi a hma a, chuti taka sawi lawk pawh awm lovin a lum thut a ni.