Mizoram Super League season 8 khel tur District qualifying ni hnihna khelh a ni a. A ni khatna a chak tawh Lunglei leh Champhai District ten hnehna an chang nawn ve ve a. An tan final beiseina a hnai.
Lunglei hian 75-56 in Siaha an hneh a. Inkhel hnuhnung berah Champhai in 108-36 in Lawngtlai an hneh. Inkhel dangah Saitual in 92-85 in Serchhip an hneh ve bawk.
MSL8-ah hian District team pakhat a tel dawn a, district team hian zalenna a nei zau dawn.
District team emaw club hming anga tel phalsak an ni a. Player pawh district huamchhung ami All-Star te pawh an la thei a. Club vawnlai nei lo free agent ni lai hrim hrim pawh an lalut thei bawk.