Titanic star Leonardo DiCaprio-a’n Chinese te’na lupui thuk taka sangha an man dan a sawisel chungchangah China sorkar enkawl Global Times chuan na takin a umzui.
DiCaprio chuan, “Kum 20 vel kalta atang tawh khan China hian tuipui thuk taka sangha manna tur sang tam tak a kalpui tawh a, an mahni hnaih ber tuipui li thuk taka sanga te thlengin a tibuai khawlo vek.
“Hei vang hian Chinese sanga mantute hian khawvel hmun dan leh tuipui dangah pakaiin, tuipui thuk taka sanga man hi an kalpui nghauh nghauh ta a ni,” a ti.
Global Times chanchinbu ngaihdan a ni lo hle a, Chinese sorkar tawtawrawta sawi thin chanchinbu chuan DiCaprio chu thil nihna dik tak zah taka kalpui a, awmze nei lova tawng mai mai lo turin a bei let. Chinese Communist Party enkawl chanchinbu hian Hollywood actor lakah hian tawngkam a duh tui lo hle.