Aizawl : MNF Vice President Vanlalzawma’n social media lamah MNF chu archuk tuilo khawpa chhuah thin ni mahse, mi pangngai chin chuan MNF chu luhna tlakah an ngai niin a sawi.
CiRa Garden, ITI Veng-a Aizawl South-II MNF block thalaiin mithar lawmluh inkhawm an buatsiahah nimin khan he thu hi Vanlalzawma chuan a sawi a. Mi pangngai tak tak, pawl hruaitu ṭha tak takin tunhnaiah pawh MNF an zawm thar niin a sawi bawk.
Vanlalzawma chuan Congress leh ZPM party chu tun dinhmunah chuan beisei tur an awm lo niin a sawi a. BJP chungchang pawh sawiin, “Vairengte chhaklamah hi chuan Lotus hi a par thei meuh lo a ni”, ti.
MNF Vice President chuan, “Pathianin hnam party hi min hruai” tiin, Political party te chu inang deuh vek mahse, MNF chuan dang- lamna tak an nei niin a sawi a, “He party hi Mizoram leh hnam tana dinchhuah a ni” tiin, party dang thenkhat ṭobul chu chhut chianin a vai deuh ruih niin a sawi.
Sorkarin Myanmar raltlante a lo dawnsawn dan chu ramdang pawh in an fak nia sawiin, “kan hnampuite kan kuahkhawm dan hi khawvel mak tih a ni” a ti bawk.