Spanish champion Real Madrid chuan an player tawnhriat nei tha tawhte chu chelh chhunzawm tumin hma an la zel a. Heng zingah hian German midfielde Toni Kroos pawh a tel.
Kroos hian tun season-ah Blancos a contract a neih hi a hmang zo dawn a, a club lamin an muallai luahtu pawimawh hi chelh chhunzawm zel an tum hle.
Kum 32 mi Kroos hian tunhnaiah a kum la tam chhe lo mahse chawlh mai pawh a tan thil theih a nih thu a lo sawi tawh a. Nimahsela Blancos in kum khat dang ziah belhpui leh an tum.
Real hian tunhnaiah an muallai luah tur player naupang zawkte la khawmin an midfield an siamtha a. Nimahsela tawnhriat nei ngah Luka Modric leh Kroos te chu an team-ah player pawimawh tak an la ni reng.