Aizawl : MZU-a Politicial Science Deptt-in tunhnaia MPSC buatsaih combined competitive exam-a an department zirlai hlawhtlingte nimin khan an chawimawi a, he hunah hian khuallian (chief guest) atan an chawimawite hi an hmang a ni.
MPSC combined competitive exam-a hlawhtling, MZU-a political science department-in an chawimawite hi – 7-na Malsawmhriatzuali (MCS); 11-na VL Chaka Hmar, (MCS);12-na Moses Lalfakawma Tlau (MCS) leh 34-na R. Lalthankima, (MPS) te an ni a. Thusawina hun pek niin, Political Science department-a zirlaite nen inkawm zuiin, zawhna leh chhanna hun te an hmang bawk.