MADC Dy CEM in NAAC peer team zanriah buatsaihsak

Aizawl : Mara Autonomous District Council (MADC) Dy CEM H.C. Lalmalsawma Zasai chuan central atanga Siaha College, Siaha dinhmun zirchiang tura NAAC Peer team chu zanriah lo buatsaihsakin, an inkawm.

An inkawmnaah H.C. Lalmalsawma Zasai chuan, Siaha-in College a neih chhun dinhmun zirchiang tura NAAC peer team te an kal chu lawmawm a tih thu a sawi a. Mizoram chhimtawpa awm Siaha-in College pakhat chauh a neihah, zirtirty nghet pasarih chauh neiin, a tam zawk chu a nghet lo an ni chungin, zirlai 700 chuang an nei mek tih a sawi a. College-a thawktu Principal leh faculty-ye inpekna thuk tak avanga hmasawnna hmuh theiha awm mek chu lawmawm a tih thu a sawi.

Hetih lai hian, Science stream neih ve pawk laksak an ni zel a, hmunpui zawk pan ve thei lo zirlaite’n harsatna lian tak an tawk mek avangin, NAAC peer team te lakah hian beiseina sang tak an nei tih a sawi.

Mizoram aiawha NAAC peer team te tawiawmtu Dr. Laltanpuia Jt. Director, H&TE pawhin Siaha College-ah science stream hawn a nih leh theihnan theihtawp a lo chhuah tur thu leh a thuphunga a lo zir nual tawh thu te, Chief Minister leh H&TE Minister hnenah pawh ngenna siam turin Dy. CEM hi hma la turin thu a hrilh bawk.

Leave a Reply

error: Content is protected !!