FC Augsburg lakah Bayern Munich in goal an chhuah hmasak zawk avangin an tan zan hautak tak a ni dawn niin a lang hman. Mahse hnehsawh taka chhangletin 5-2 in DFB Pokal second round-ah an chak.
WWK Arena-ah Mads Pedersen chuan Bayern Munich tlarhnung inthlahdah vangin minute 9-naah goal a khung. Hei hi minute 27-naah Eric Maxim Choupo-Moting hmangin an sut a. Bayern in minute 53-naah Joshua Kimmich hmangin hma an hruai leh a. Choupo-Moting chuan an goal thumna a khung chhunzawm thuai.
Dayot Upamecano own goal in Augsburg beiseina siam mahse Jamal Musiala leh Alphonso Davies ten goal khung belhin a tawpah Bayern Munich chungnunna an nemnghet.
Inkhel dangah Borussia Dortmund in huntawp dawn lamah Karim Adeyemi chu red card vangin chan mahse Bright Arrey-Mbi own goal leh Jude Bellingham goal hmangin 2-0 in Hannover 96 an hneh.