Juda ho laka tawngkam na tak a chhakchhuak hnu-ah pawh a la insawifihlim zel chu mi tam tak ngaihdan a ni tawh lo. Milar Howard Stern chuan Kanye West chu ‘Hilter’ nen a khaikhin ta hial. Rilru lama chiang lovah a chhuah bawk.
Milar tak takte’n Kanye-a’n Juda te diriamna leh an pawisawina na angreng tak a sawi chu an dem hlawm a, SiriusXM show-ah Juda mi leh sa ni bawk Stern chuan, “Kanye hi tunhma kha chuan ngainatawm tak kha a ni thin a. Tunah erawh Hitler ang mai a ni ta. Mi thenkhatin, ‘A… ngaihdak duh suh, a nunchang leh mizia hi a chiang lova, ‘rilru lama dam lohna nasa tak a nei’ tia sawi a, a thlavang an hauh fo mai pawh hi a khanawm ta hle mai,” tiin kum 68 mi hian a sawi.
Kanye West hi rapper lar leh huhang ngah tak anih rualin, a tawngkam chhuak fuh tawk lo leh mi thin khei zak zak thei a vawrhchhuah fo vangin tunhma lamah pawh khan a lo talbuai fo tawh. Tun tumah pawh a lei a veng tha tawk lova ngai an tam.