President Zelenskyy-a’n Russia-ten beih an tum nia a sawi, Dnieper lui khuapa tuikhuah siam, Kakhovka dam hi September, 1950 atanga khuah tan a ni a, tuikhuah hmanga electric siam chu tihmasawn zelin October, 1956 khan generotor hnuhnung ber an dah a ni.
Dam hi khar theih a ni a, power station lian tak, 357 MW zet pe chhuak thei hmunpui a ni a. A tuikhuah, Kakhovka Reservoir-a tuite hi North Crimean Canal leh Dnieper–Kryvyi Rih Canal-ah tui kawng hrang hrang siama luah luhtir a ni a, Ukraine chhim lam leh Crimea hmar lama mite tui lakna ber a ni.
Kum 2019 atang khan a tuikhuah hi siam that leh power plant awm leh a khuahna tlanga kawngpui awmte pawh cheihnum a ni zeuh zeuh tawh.
February 24 atanga Russian sipaiten Ukraine an rûn khan an la nghal thuai a. Ukrainian sipaiten August leh September-a nasa taka laipuia an kap hnuah Ukrainian leh Russian thuneitute chuan lirthei tlan vel pawh an khap hman a; mahse, dam hi a nih dan pangngaiin a la awm.