Aizawl : PC party-in Mizoram sorkar chu Aizawl khawpui tawt lutuk tiziaawm tura hma la thei lo ah puhin, “Aizawl khawpui chhung tawt lutuk tihthawlna tura a taka hma la thei lo MNF sorkar kan dem” an ti.
“Tunhnaia Aizawl sustainable urban transport project (ASUTP) workshop hmanpuitu Chief Minister Zoramthanga’n Aizawl kawngpui lunlai tawt lutuk tihthawlna tura project liantham hrang hrang buaipui mèk a nih thu a la sawi chauh kha PC party chuan zahthlak kan ti.hle” an ti a. “A kaihhruai sorkar term a tawp dawn ruai ah buaipui mèk a nih thu chauh mipuite min la fah fo mai hi chu a beidawnthlak kan ti” an ti bawk.
“Brig. T Sailo kaihhruai PC sorkarin kum 35 liamtaa Aizawl capital expansion project siama thui tak a lo kalpui tawh Congress leh MMF in sorkar chhawk ten an hlamchhiah avanga Aizawl khawpui hian harsatna lian tak a tawh phahtaah PC party chuan kan ngai” an ti bawk a ni.