Kolasib District Football Association (KDFA) huaihawt Kolasib Constituency MLA Cup, 2022 Kick off & Tie-draw hun chu Zirtawpni zan khan Bialtu MLA K. Lalrinliana’n a hmanpui.
Diakkawn YMA Hall Kolasib-a hun hmannaah hian minister chuan MLA Cup football tournament kum tina khelh tura ruahman hripui vanga kum hnih chhung an khelh theih tawh loh hnuah, hripui leng a ziaawm tawh hnua khelh theih a ni leh dawn ta chu lawmawm a tih thu a sawi a. Sorkarin infiamna hmun tha Kolasib stadium leh SAI Centre, Saidan Kolasib-a a din te chu hmang tangkai deuh deuh turin infiammite a chah.
Kolasib MLA CUP 2022 hi Ninganiah tan a ni ang a, Kolasib Sports Stadium-ah khelh a ni ang.