Sikkim Chief Minister PS Golay chuan Temi Tea garden-a hmun ruak an neihah khualzinte hip nan ‘leisure land’ an siam dawn tih a sawi.
Temi Tea garden estate huam chhunga sector 17-a khualzinte tlawh theih tur hmun an siam tur hi Thawhtanni khan Temi Autumn carnival buatsaih a hmanpuinaah chief minister hian a sawi.
Temi Tea garden estate hi South Sikkim district-a awm niin an state-a khualzinten an tlawh tam tak a ni sa a. An state-in thingpui a thar chhuah zinga a tui ber, khawvel huap chawimawina pawh an lakpui tawh an chinna a ni a. Tun hnai lawk pawh khan France-a Tea Festival-ah pawh bronze medal a lo dawng tawh.
Hetih rual hian Temi panna kawng hi duhthu a sam lovin tunah phei chuan a chhe tak zet thung a. Chief Minister Golay chuan a kaihhruai sorkarin harsatna an neih mek chu a rang thei ang bera enin an ching fel dawn tih a sawi.
Chief Minister Golay hian an state-ah pindan panga awmna homestays an tih chu an siam thu a sawi bawk a. Hei hi Sikkim-a hnam chengte zia mila siam a ni.