Aizawl North II bialtu MLA Dr Vanlalthlana chuan nimin khan Laipuitlang Branch YMA-in kum upate puala a thlawna inentirna buatsaih a hawng.
Thu sawiin Dr Vanlalthlana chuan YMA-in kum upate puala a thawna inentirna buatsaih nachang an hria chu lawmawm a tih thu a sawi a. “Kum upate hi kan ram rohlute an ni a, ngaihsak leh duat hi an phu a, thalai zawkte hian anmahni ngaihsak leh duat hi kan tih tur a ni,” a ti a, free clinic atana veng chhung mi, daktawr leh nurse mahni hna thulha inpete fakawm a tiin bialtu MLA hian lawmthu a sawi.
Dr Vanlalthlana hian tunah hian diagnostic laboratory hawn tumin hmalak mek a nih thu leh bial chhung mipuiten tangkai taka an la hman tur leh chhawr tur a nih thu a sawi bawk.
A thlawna inentirna buatsaihah hian nimin chawhnu dar 2 thleng khan mi 80 an inentir tawh a, damlo inentirte hnenah hian a thlawnin damdawi pek vek an ni bawk.