ZPM Working President K Sapdanga’n “sorkar kal ta- wh ten Mizoram hmasawnna tura project liantham buaipui aia project te tak te an tuipui chhan chu an mi leh sa ten an chhawr vang a ni” a ti.
Nimina Tipa-a ZPM Siaha district headquarters-in vantlang inkhawm an buatsaihah he thu hi ZPM Working President chuan a sawi a. Mizoram eibar innghahna chu Chhimtuipui ni thei mahse, sorkar kal tawh ten an hawisan rei lutuk avangin awmze neiin an buatsaih hleitheilo niin a sawi a. “Keini chuan he lunghlu tlahlang hi chhar ngei kan tum” a ti.
K Sapdanga chuan Mizoramin hydro electric-a theihna a neih len ber Kolodyne project pawh mithiam ten tha ti mahse, sorkar kal tawh ten an chhunzawm hleithei lo nia sawiin, “Project te tak te an tuipuia, an mi leh sa ten an chhawr vang a ni mai; a chhunzawmtu lar ber chu ACB an ni thung,” tiin, chhim bial hawisan hrim hrim sorkar chu mangtha a tul tawh niin a sawi.
MADC inthlana ca- ndidate an neihlohna hmunah pawh thahne- mngai taka hmalaa an campaign chhan sawi- in, K Sapdanga chuan nakum atan an inbuats- aih a nih bakah ram tha tak takte a hmuna chian an duh vang niin a sawi a. “Kum 2023 inthlan atan party-te kan inbuatsaih a, keini aia inbuatsaih ngawrh chu par- ty tan lam nei lo mipui an ni” tiin, “tun anga neutral mipuite an la phur ngai lo, tuna Zoram mamawh ber chu hruaitu mumal, mumanga innghatlo hruaitu a ni” a ti bawk.
%%%%%%