Aizawl : Zoram harh rawh campaign, Aizawl district organising committee chu nimin khan Aizawl district Additional DC C. Laltleipuii hovin Aizawl SP conference hall-ah an thukhawm a. He campaign-a hmalakna pakhat branch YMA te Hnam lam leh zai hmanga inelna buatsaih tur chungchang an sawiho.
Sorkar thuchhuahin a tarlan danin, Zoram harh rawh campaign-a branch YMA te inelnain a tum hrang hrang te chu – HIV darh zel tur ven kawnga mitin mawhphurhna hrilhhriat thar leh; Ram leh hnam chhanna atana HIV laka in vengzo, mi hrisel leh taima ramin a mamawh zia thalai te hnena zirtir; HIV dona hmanruate mitinin tangkai taka an hman thiam theihna tur te; HIV do kawnga hmalaknate mitinin an pawm thiam theih na tura inzirtir te a ni.