Fa pahnihna
Fatir neih hnu-a a pahnihna neih chungchang hi mimal duhthlanna liau liau a nih laiin, a châng chuan kan tihtheih leh thunun phâk piahlam a thleng fo. Tunlai chhanah hmeichhiate’n chhungkua an din meuh chuan kum 30s te an ni ta mai si a, heti angah chuan kum inthlau lutuk hi a tihchi hran lova, gap zim ṭha leh awmze nei lam te pawh ngaihtuah a tha.
Damchian hun
Hriselna chungchang a lo rik tawh chuan naupaileh hmâ in, ruahmanna fel fai leh putling tak siam a ṭha. Nau neih hnu-a taksa la fit loh lai leh dam chian tak tak hmâa pai/neih rih loh hi nang leh naute tan a ṭha a, a him bawk.
Fa hnihnaah ‘risk’ a awm
Nau neih hnu thlaruk chhunga naute a lo awm leh tawh chuan thla kim lova piang emaw taksa rihna (buk) tling lova khawvel eng hmuh theih-na ‘chance’ a sâng hle a, a theih hram chhuan thla 18-23 chhungah awm thei se, duhthusam a ni.
Inthlauhna
Nau neih hnu thla 17 chhunga nau pai leh mai pawh hi naute tan a him lo angreng tho a, a chunga tarlan hlauhawm pa-hnih thlen theihna a awm.
Inthlauhna duhthusam
Naute pian atanga nau pai vawi hnihna turah hian thla 18-23 tal gap awm thei se, a ṭha ber. Hetah hi chuan Nu tan paw’n inbuatsaihna hun a tam bakah an dam chiang thei tawh a, taksa pawh a pang-ngai chho leh viau bawk.
Inthlauhna zim
Chhangzing lutuk hi nupa mai ni lo, chhungkua ang pawha buai viau theih a ni a, buaipui tur a tam fal bakah sum leh pai chungchangahte thlengin lû a hai duh map map hle.
Thaw a pik duh bawk.
Inthlauhna zau
Chhangzing lo, a awm tâwk ang chi ah chuan Nu ber tan paw’n fatir (naute) ah rilru pumhlum pek theih a ni a, hun ṭha tak hmanpui theih niin, inpawhna leh inlaichinna awmze nei atan thil ṭul leh tangkai tak pawh a ni.
Inthlauhna nasa
Amaherawhchu, chhangkhât lutuk a nih chuan pianphung leh rilru-ah inkhuangrual loh lutukna a awm thei a. Naupang zingah pawh inthikna leh inhriatthiam lohna a thleng thei bawk. A u zawkin a dinhmun hloh mai tur anga inngaihna a awm thin.
Chu ti chu….
A tlangpui thu chuan, fatir neih hnu ah hian a lo berah thla ruk atanga kum khat awl theih ni se, hei hian naute lo piang tur hriselna ngaihpawimawh hrim hrim vang paw’n thil tih tur dik tak a ni. In nupain ngaihtuah tel ngei ang che u.