Hollywood event lian ber mai Oscars 2023 host turin Jimmy Kimmel ruat fel a ni ta a, a vawi thumna tur a ni ang.
Nikuma Will Smith-a’n host Chris Rock a ben hnu lama show lo awm hmasa ber tur hi buaina a awm tawh lo tura ngaih a ni.
Kimmel hian 2017 khan a vawikhat nan a host tawh a, 2018 khan inlan lehin a hnu kum thum chhung chu Ocar hian host nei lovin award an sem.
Tunhnai atang khan Oscar rating a hniam chak hle a, nikum khan tlemin a sang hret a, hripui len hnu-a chetchhuah lehn hmasa ber atang hian lawmna tur a awm dawn niin a lang.
Kimmelchuan, “A vawi thum nana Oscar host ni tura sawm ka ni hi chawimawina ropui tak emaw thang inhlin tumna te pawh a ni thei. A enga pawh chu ni se, mi zawng zawngin ‘no’ an tih hnu a Academy lamin min rawn umzui nghal chat vangin ka lawm hle,” a ti.