AZL: Lungmual Branch YMA chuan an platinum jubilee kharna hun nimin khan Luangmual YMA Hall-ah an hmang a. Health Minister Dr R Lalthangliana chuan khuallian niin a hman pui.
Kharna inkhawmah khuallian Dr R Lalthangliana’n thu sawiin, kum hnih zet Covid-19 in ram a tihbuai lai khan YMA hi thahrui ber an nih thu a sawi a. “YMA chu mi zawng zawng min khaikhawmtu, hnam dang neih ve loh an ni. YMA thuvawn pakhat Tlawmngaihna hlutzia hi kan leili hian a sawi chhuak zo lo a ni,” a ti.
YMA chu fan tawp nei loa mite tanpui thintu a nih avangin a hlut hle a, hetih rual hian hmasawnna thar kawng zawng zel tur an la nei tih a sawi a. central service-a Mizo thalaite an tling thei ta mang loh te leh Supper Specialist doctor hrang hrang lak tur an awm lo te hi YMA ang pawha ngaihtuahna sen a tul thu te Dr R Lalthangliana’n a sawi.